RFI - Automatisering av brukaradministrasjon

Description

SSIKT, saman med deltakarkommunane, har initiert prosjektet “Automatisering av brukaradministrasjon”. Vi er no i konseptfasen, der vi skal kartlegge og vurderer ulike løysingsalternativ på overordna nivå. Målet med arbeidet er å automatisere brukaradministrasjon i SSIKT og deltakarkommunane så langt det er mogleg, med utgangspunkt i stamdata frå HRM-systema. Per i dag nyttar kommunane Visma Enterprise Plus (Saas) som HRM-system, med kvar sin separate instans. Grov sett vurderer vi tre ulike tilnærmingar for å løyse automatisering av brukaradministrasjon: 1. Å kjøpe dette som ein teneste i leverandørmarknaden, der vi outsourcar automatisering av brukaradministrasjon. 2. Å kjøpe programvare, anten lokalt installert eller som SaaS, for å løyse automatisering av brukaradministrasjon. 3. Å kjøpe konsulentbistand for å automatisere brukaradministrasjon ved hjelp av eksisterande funksjonalitet i Microsoft Entra ID. Vi inviterer leverandørar som kan tilby løysingar innafor desse kategoriane til ein innleiande marknadsdialog for å kartlegge moglegheitene våre. Marknadsdialogen er eit av elementa som vil ligge til grunn for å anbefale eit konsept for løysing. Ei prosjektgjennomføring, med ev. anskaffing av løysing, er venta å skje frå mai 2025. Vi tek sikte på å gjennomføre ein-til-ein møter med interesserte leverandørar i veke 15. Sjå vedlagte dokumentasjon for meir informasjon. Vi ber alle leverandørar som er interessert i dialog om å sende melding i KGV (EU-Supply) innan fristen.